Ég lofaði myndum...

...og stend við mín orð. Set hérna inn fáeinar af kökunum sem ég var að hamast við að baka í morgun.

...ooogg önnur

Okey...gott í bili.

Hérastubbur bakari nær ekki með tærnar þar sem ég er með hælana í smákökubakstri...

Að vísu baka ég ekki piparkökur en þessar elskur fara sko langt á undan þeim í gæðum og bragði en venjulegar piparkökur.

Mín er búin að vera vakandi síðan klukkan rúmlega 6. Búin að taka til í eldhúsinu, hræra saman deig, bölsóttast aðeins yfir því en núna streyma út úr ofninum þessar svona glæsilegu kökur sem ég hlakka mjög til að bjóða fólki upp á í kvöld.

Tilefnið er það að móðir mín átti afmæli síðastliðinn þriðjudag og í kvöld verður þessi líka myndarlega veisla. Standandi hlaðborð, þ.e. að fólk verður ekki með einhverjar hnallþórur á diskum.

Er semsagt að baka kökur sem á frummálinu nefnast Lemon and white chocolate biscuits, eða sítrónu og hvít súkkulaði kex...eða eitthvað í þá áttina

Ég skal kannski gerast svo myndarleg að henda inn nokkrum myndum af lokaniðurstöðunum en núna þarf ég að fara að skera fleiri kökur.

Gleðilegan Menningardag og til hamingju Íslendingar með áfangann í gær.

Kisulúr

Ég hef alla tíð verið mikil kisumanneskja og ávallt verið umkringd hinum ýmsu köttum.

Flestir kattaeigendur ættu að vita það að fátt er jafn róandi og að fá sér stuttan lúr með kisunni sinni eða þá bara að halda á henni í örskamma stund til að njóta sálarró áður en dagurinn tekur við.

En nú þegar ég er vakandi á því er mér finnst óeðlilega snemma, er kisan mín glaðvakandi.

Hann byrjaði á því að bjóða mér góðan daginn þegar ég kom fram og beið eftir mér frammi á gangi þar til ég var tilbúin. Svo hefur hann fylgt mér í hálftíma þar sem ég geng um fram og tilbaka.

En eitt sem ég veit fyrir víst er að  það er ekki stutt síðan ró komst yfir húsið. Foreldrarnir voru lengi vakandi yfir matnum sem borinn verður fram í kvöld og ef ég þekki minn kött rétt að þá hefur hann varið á varðbergi um allar þessar einstöku framkvæmdir.

Og nú er ég vöknuð upp fyrir allar aldir og hann semsagt líka.

Það er sjaldan að ég sjái hann sofa verulega föstum svefni og ég veit hann hefur fundið sér ákveðinn tíma á kvöldin þar sem honum finnst að nú sé komið nóg og það sé háttatími.

En þegar mikið er í gangi fæst ekki svona lúxus því eins og flestir vita er ansi auðvelt að vekja kött því eins og hann hefur lifað í gegnum aldirnar er nauðsynlegt fyrir hann að vera alltaf á varðbergi gegn hugsanlegum hættum.

Nú er ég komin út í einhverjar svaka pælingar og kem aftur að upphafspunktinum mínum.

Hvernig í ósköpunum hvílast kettir svo þeir njóti góðs af? Ekki geta þeir fengið góða hvíld ef þeir eru alltaf að líta upp og athuga umhverfið.

Ég læt þetta duga í bili og fer að gera eitthvað gagnlegt fyrst ég hafði nú fyrir því að vakna.

Fyrir fólk með tölvuáhugasöm börn.

Ég er búin að vera löt í dag síðan ég kom heim og er bara búin að hanga hér í tölvunni. Nenni sem sagt ekki að taka til. Svo varð litla daman eitthvað áhugasöm um hvað ég var að gera þegar ég fór að skelli hlægja. Stóra systir var nú svo lummó að hún var bara að lesa eitthvað fyndið. Ekki semsagt eitthvað sem Huldan gat einnig glaðst yfir.

Þannig að ég fann þessar meiriháttar smáteiknimyndir á youtube sem er tilvalið til að sína litlum skottum sem eru orðin áhugasöm um tölvur en bjarga sér ekki alveg einsömul.

Hef síðan séð þessa sem fylgimynd á einhverri pixar- dvd mynd. En who cares...hún er fyndin

Margt spennandi hægt að finna á veraldarvefnum!

Að blogga eða ekki að blogga?

Það er sko spurningin því alltaf þegar ég sest niður við tölvuna finnst mér eins og ég þurfi eitthvað að bæta mig.

Jæja, nóg um það. Ég var eitthvað að erindast í gær og átti leið fram hjá gamla skólanum mínum sem er í leið minni í átt að strætóskýlinu. Hitti þar fyrir utan deildarstjóra skólans sem alveg hreint og beint sagði að ég yrði að kíkja inn.

Gott og blessað, nægur tími í strætó. Þannig að ég fór inn og hitti alla kennarana og blaðraði og vesenaðist. Eins skemmtilegt og þetta var að þá bætti þetta ekki stressið sem ég er með bubblandi hérnar í maganum yfir því að vera að fara á skólasetningu núna á eftir.

Já og svo ég minnist ekki á það að ég er að fara í fyrsta skóladaginn á morgun.

Jæja, ætla að fara að hafa mig til ef ég á að líta sæmilega út.

Úff ég er þreytt.

Sit hér við tölvuna alveg grútsyfjuð en er að peppast upp við þennann dúndur kaffibolla sem ég hrærði saman.

Stúlkan er alveg frí og frjáls í dag en ég hef samt lofað mér í klippingu og snyrtingu hérna á eftir.

Fannst ég eiga eitthvað dekur skilið eftir að vera búin að vinna non- stop í allt sumar.

Jæja, þetta varð bara nanófærsla af því ég gleymdi hverju ég ætlaði að segja frá.

Ætla bara að skella mér í sturtu og drífa mig í klippingu.

Macaroni und cheese

Æðislega gott og einfalt comfort food sem ég hef nýlega upphvötað. Stóri plúsinn er að litla dýrið borðar þetta.

En mér fyndist líklega hvað sem er gott af því ég er sama og ekkert búin að borða í dag og það litla sem ég borðaði, skilaði ég eftir að hafa liðið alveg fáránlega illa og fór því stöðugt versnandi þangað til ég kom heim og the rest is history.

Örugglega ekkert spennandi lesning en allavega vil ég óska ástkærri móður minni til hamingju með 40 ára afmælið.

Frúin var að taka upp gjafir fyrir andartaki og ég ætla að leyfa henni að eiga heiðurinn á því að segja frá því á sínu bloggi.

Jæja þá ætla ég að klára skál mína af "comfort" og lafa í einhverju ógáfulegu fyrst ég er búin í vinnunni og er ekki enn byrjuð í skólanum.

Pirringur par exelance

Get ekki lýst því nánar en stendur ég fyrirsögninni. Er alveg fáránlega pirruð yfir öllu og engu. Hvort það sé að ég er búin að vera að vinna eitthvað meira en vanalega eða þá að...ég ég veit það ekki.

Hef ekki grænan um hvað er hægt að blogga, örugglega ekkert þegar maður er svona pirraður.

Fjúff, ég hreint og beint titra. Er liggur við ekki húsum hæf og held mig því inni í herbergi að lesa á Wikipediu sem er nýi besti vinur minn.

Blehhh...ég held ég fari bara að hætta þessu rugli og skrifi þegar ég hef eitthvað skiljanlegt að segja.

Kveðja

Valgerður hin pirraða.

PS. Ef einhvern tíman væri skrifað um mig eins og konungsfjölskyldur Evrópu í den, sem fengu alls kyns viðurnefni eftir athæfum þeirra og einkennum að þá myndi þetta lýsa mér. Þ.e. kveðjan.

Aukavaktir og skóli

Jæja, mín er bara með aukavaktir framundan og svo byrjar skólinn í næstu vikur. Fæ heilan einn dag í frí þannig að frídagar mínir í sumar verða alls þrír talsins; Þjóðhátíðardagurinn, frídagur verslunarmanna og einn dagur áður en skólinn byrjar.

Ég er ekki frá því að ég sé farin að hlakka til að byrja í skólanum og....missti gjörsamlega allann þráð í því sem ég var að skrifa.

Tek mér smá frí núna og blogga kannski smá á eftir þegar ég er búin í vinnunni.

Adios amigos!

My precious!

Ég var að kaupa mér mína fyrstu fartölvu áðan. Alveg að missa mig af stolti.

Búin að vinna eins og svín síðastliðinn mánuð og uppskar alveg svaka laun sem fóru að mestu í tölvuna. Keypti hana í Tölvutek og mæli ég eindregið með þeirri verslun. Gott verð og ótrúleg þjónusta.

Í stuttu máli er ég í skýjunum en nú er mín orðin svöng og maturinn kallar.